Лінкі ўнівэрсальнага доступу

Пратэстоўку ў вясельнай сукенцы аштрафавалі больш як на 2 тысячы рублёў


Іна Зайцава

18 студзеня суд Кастрычніцкага раёну Менску зноў разглядаў справу Іны Зайцавай, таксама вядомай як «бел-чырвона-белая нявеста».

Працэс пачаўся 14 студзеня, Іну Зайцаву абвінавачвалі паводле ч. 1 і ч. 3 арт. 23.34 КаАП (удзел у несанкцыянаваным мерапрыемстве і непадпарадкаваньне супрацоўніку праваахоўных органаў).

Іна Зайцава пакінула Беларусь яшчэ пры канцы мінулага году, на судзе была яе адвакатка. Судзьдзя Аляксандар Рудэнка прыняў рашэньне аштрафаваць жанчыну за фатаграфіі з маршаў па двух пратаколах агулам на 2030 рублёў (70 базавых велічынь).

Як адзначаюць валянтэры «Вясны», пратаколы на Іну Зайцаву складзеныя на падставе маніторынгу публікацый зь яе ўдзелам у сацсетках, а таксама навінаў на парталах Tut.by і Onliner.by.

Бел-чырвона-белая нявеста. Мастачка Людміла Шчамялёва
Бел-чырвона-белая нявеста. Мастачка Людміла Шчамялёва

Яе вінаватасьць даказвалася скрыншотамі публікацый і відэа з маршаў у СМІ.

Летась у лістападзе Іну Зайцаву аштрафавалі на 675 рублёў і канфіскавалі славутую сукенку.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG