Лінкі ўнівэрсальнага доступу

Вядомага беларускага бізнэсоўца аштрафавалі за нацыянальны сьцяг з Пагоняй на ягоным хутары


Чалавек зь бел-чырвона-белым сьцягам, ілюстрацыйнае фота.

IT-інвэстара Валера Астрынскага пакаралі штрафам у памеры 580 рублёў.

Суд Івейскага раёну 18 студзеня разгледзеў справу бізнэсоўца Валера Астрынскага, якога затрымалі ўвечары ў суботу за нацыянальны сьцяг з «Пагоняй», паведамляе dev.by. Яму прысудзілі штраф у 20 базавых велічынь — 580 рублёў.

16 студзеня Астрынскага затрымалі ў вёсцы Барава ў Івейскім раёне. Падставай стаў вывешаны бел-чырвона-белы сьцяг з Пагоняй на хутары.

Мужчыну абвінавацілі ў правядзеньні адзіночнага несанкцыянаванага пікету. Да суда ён знаходзіўся ў Івейскім РАУС.

Валеры Астрынскі — інвэстар, сузаснавальнік аб’яднаньня Angels BAND, уваходзіць у топ-200 пасьпяховых і ўплывовых бізнэсоўцаў Беларусі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG