Нягледзячы на марозны дзень, закрытае судовае паседжаньне і суботу да судовага будынку прыйшлі сябры Машы, прадстаўнікі амбасадаў, а таксама ўсе, хто хацелі яе падтрымаць, паведамляе Тэлеграм-канал Виктор Бабарико. Вынікі судовага паседжаньня для абароны былі прадказальныя, сказала адвакатка Людміла Казак, аднак адвакаты і сама Марыя будуць абскарджваць рашэньне Партызанскага суду.
Каардынатар штабу Віктара Бабарыкі і сябра прэзыдыюму Каардынацыйнай рады Марыя Калесьнікава 7 верасьня была выкрадзеная невядомымі, а раніцай 8 верасьня Telegram-канал дзяржаўнага тэлеканалу «Беларусь-1» паведаміў, што ўначы Калесьнікава, а таксама сябры Каардынацыйнай рады Раднянкоў і Краўцоў «спрабавалі незаконна пакінуць тэрыторыю Рэспублікі Беларусь» і што Калесьнікаву затрымалі. Пазьней выявілася, што Калесьнікава пры спробе ейнага гвалтоўнага вывазу з тэрыторыі Беларусі парвала свой пашпарт.
Марыя Калесьнікава — падазраваная ў справе аб «публічных закліках да захопу ўлады ў Беларусі». Яе прызналі палітвязьнем і вязьнем сумленьня. Разам зь іншымі апанэнтамі беларускага рэжыму Эўрапарлямэнт прысудзіў ёй прэмію імя Сахарава за ўнёсак у барацьбу за правы чалавека.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў