Лінкі ўнівэрсальнага доступу

Затрыманых у лесе пад Віцебскам пэнсіянэрак адпусьцілі з ізалятара да суду. Цэлы дзень іх не кармілі


Тацяна Севярынец (зьлева), архіўнае фота

Пэнсіянэрак, якіх 13 студзеня затрымалі ў лесе пад Віцебскам падчас скандынаўскай хады, выпусьцілі з ізалятара. Судовыя разгляды іх справаў перанесьлі.

Як паведамляе «Віцебская вясна», у аддзяленьні міліцыі адмовіліся прымаць для жанчын перадачы, таму ад моманту затрыманьня яны нічога ня елі.

Сярод пэнсіянэрак была і Тацяна Севярынец, маці палітвязьня Паўла Севярынца. На волю яна выйшла ўвечары 13 студзеня. Яе справу накіравалі ў суд, але судзьдзя зрабіў перапынак да 19 студзеня, і яе адпусьцілі.

Астатніх адправілі ў ізалятар часовага ўтрыманьня. Тамары Ільіной спатрэбілася мэдычная дапамога, і яе адвезьлі ў лякарню.

Людміла Камінская, Людміла Валаткевіч, Алена Каснова і Раіса Кухто правялі ноч у ізалятары і выйшлі на волю праз суткі.

На ўсіх, акрамя Тамары Ільіной, якая да гэтага часу шпіталізаваная, склалі пратаколы паводле артыкула 23.34 КаАП.

Іх суды перанесьлі на 19 і 20 студзеня.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG