Лінкі ўнівэрсальнага доступу

У Эстоніі можа зьявіцца першая ў гісторыі гэтай краіны прэм’ерка


Кая Калас
Кая Калас

Прэзыдэнтка Эстоніі Керсьці Кальюлайд прапанавала лідэрцы апазыцыйнай правацэнтрысцкай Партыі рэформаў Каі Калас сфармаваць наступны ўрад. Пра гэта паведамляе Reuters.

Дзейны прэмʼер-міністар краіны Юры Ратас падаў у адстаўку ў сувязі са скандалам, зьвязаным з выдачай дзяржаўнага крэдыту гандляру нерухомасьцю.

Для таго, каб узначаліць урад, Калас мусіць здабыць падтрымку большасьці ў парлямэнце.

На выбарах у 2019 годзе Партыя рэформаў на чале з Калас набрала адносную большасьць галасоў. Аднак Юры Ратас, кіраўнік партыі «Цэнтар», які ўзначальваў урад краіны з 2016 году, займеў падтрымку яшчэ дзьвюх партыяў у парлямэнце і сфармаваў урад.

На працягу 14 дзён кандыдатка ў прэмʼеры павінна прадставіць парлямэнту сваю праграму дзеяньняў і склад ураду. Калі новы ўрад будзе зацьверджаны, прэзыдэнтка павінна на працягу 10 дзён прыняць рашэньне аб яго зацьвярджэньні.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG