Лінкі ўнівэрсальнага доступу

Міністарка эканомікі Літвы: Часовыя эканамічныя цяжкасьці праз санкцыі ў дачыненьні да беларускага рэжыму апраўданыя


Ланцуг салідарнасьці з Беларусьсю, Вільня, 23 жніўня 2020
Ланцуг салідарнасьці з Беларусьсю, Вільня, 23 жніўня 2020

Часовыя эканамічныя цяжкасьці Літвы, зьвязаныя з санкцыямі ў дачыненьні да беларускага рэжыму, апраўданыя, паколькі правы чалавека зьяўляюцца асноватворнай каштоўнасьцю, заявіла літоўская міністарка эканомікі Аўшрыне Арманайтэ.

«Маё меркаваньне — часовыя эканамічныя цяжкасьці апраўданыя, калі абараняеш правы чалавека, свабоды і агульныя асноватворныя вечныя каштоўнасьці», — цытуе партал Delfi словы міністаркі зь інтэрвію BNS.

«Любыя санкцыі адносна Беларусі, Расеі альбо Ірану, любой краіны ў сьвеце, маюць эканамічныя наступствы. Але яны ўводзяцца нездарма — для таго, каб мы абаранілі правы чалавека», — сказала яна.

Па словах міністаркі, у дзеяньняў беларускага рэжыму павінныя быць наступствы, таму Літва падтрымлівае пакет санкцый Эўразьвязу ў дачыненьні да ўладаў Беларусі.

Раней Аляксандар Лукашэнка заяўляў, што Менск будзе прымаць меры ў адказ на санкцыі з боку краінаў Балтыі.

У сьнежні даччынае прадпрыемства Беларускай нафтавай кампаніі BNK (UK) Limited паведаміла аб часовым прыпыненьні экспарту нафтапрадуктаў праз літоўскі порт Клайпеду.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG