Лінкі ўнівэрсальнага доступу

Канстытуцыйны суд Украіны прызнаў незаконным указ Зяленскага


Старшыня Канстытуцыйнага суду Ўкраіны Аляксандар Тупіцкі

Канстытуцыйны суд Украіны прызнаў незаконным указ прэзыдэнта Ўладзіміра Зяленскага аб часовым спыненьні паўнамоцтваў старшыні суду.

У паведамленьні, выкладзеным на сайце судовага органу, гаворыцца пра тое, што, «выдаўшы ўказ… ад 29 сьнежня 2020 году, прэзыдэнт Украіны выйшаў за межы сваіх канстытуцыйных паўнамоцтваў і парушыў прадпісаньні артыкулаў… Канстытуцыі».

Гаворка ідзе пра дакумэнт, якім украінскі лідэр адхіліў ад пасады на два месяцы кіраўніка Канстытуцыйнага суду Аляксандра Тупіцкага. Той быў западозраны ў подкупе сьведкі і даваньні наўмысна ілжывых паказаньняў. У кастрычніку ў дачыненьні да яго пачалі дасудовае расьсьледаваньне аб дзяржаўнай здрадзе і незаконным адчужэньні зямлі ў анэксаваным Крыме.

Працэс у дачыненьні да судзьдзі быў ініцыяваны на фоне канстытуцыйнага крызісу, які адбыўся з прычыны канфлікту паміж кіраўніком дзяржавы і Канстытуцыйным судом. Апошні заблякаваў закон аб электронным дэкляраваньні даходаў чыноўнікаў і пазбавіў Нацыянальнае агенцтва для прадухіленьня карупцыі шэрагу найважнейшых паўнамоцтваў. Зяленскі выступіў супраць гэтых рашэньняў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG