Лінкі ўнівэрсальнага доступу

Ужо сёньня: дзень памяці Аляксандра Цьвікевіча


Аляксандар Цьвікевіч

Падзеі 30 сьнежня ў беларускай і ўсясьветнай гісторыі.

Дзень у гісторыі

1667 — быў закрыты Віленскі манэтны двор. З канца XV стагодзьдзя ён быў асноўным цэнтрам манэтнай прамысловасьці Вялікага Княства Літоўскага.

1842 — у дачыненьні да Беларусі ўпершыню быў ужыты расейскі імпэрскі тэрмін «Северо-Западный край». Новае вызначэньне аб’ядноўвала Віленскую, Віцебскую, Гарадзенскую, Ковенскую, Магілёўскую і Менскую губэрні.

1917 — у ноч з 30 на 31 сьнежня ў Менску бальшавікі разагналі Першы Ўсебеларускі зьезд. Менавіта ў гэтую ноч Зьезд прыняў рэзалюцыю аб дзяржаўнай аўтаноміі Беларусі.

Першы Ўсебеларускі зьезд, каляж
Першы Ўсебеларускі зьезд, каляж

1922 — Беларусь уключылі ў склад СССР. І Усесаюзны зьезд саветаў прыняў дэклярацыю і дамову аб утварэньні СССР.

1966 — улады БССР прынялі пастанову аб выданьні «Беларускай савецкай энцыкляпэдыі».

1990 — пачаўся рэгулярны рух цягнікоў па другой лініі Менскага мэтрапалітэну на ўчастку ад станцыі «Трактарны завод» да станцыі «Фрунзэнская».

1992 — Беларусь устанавіла дыпляматычныя дачыненьні зь Літвой.

2004 — Міхаіла Марыніча, былога беларускага міністра і амбасадара, асудзілі на 5 гадоў турмы за нібыта скрадзеныя кампутары.

Міхаіл Марыніч
Міхаіл Марыніч

У гэты дзень нарадзіліся

1865 — Рэдзьярд Кіплінг, ангельскі пісьменьнік, ляўрэат Нобэлеўскай прэміі.

Рэдзьярд Кіплінг
Рэдзьярд Кіплінг

1904 — Зэлік Аксельрод, беларускі габрэйскі паэт, перакладчык беларускай паэзіі на ідыш.

Зэлік Аксэльрод
Зэлік Аксэльрод

У памяці

1937 — Аляксандар Цьвікевіч, беларускі палітык, гісторык, міністар замежных справаў ва ўрадзе БНР (расстраляны).

1957 — Юры Сабалеўскі, беларускі палітычны дзеяч, пасол на Сэйм Другой Рэчы Паспалітай (1925-1928).

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG