Наіда Абановіч выканала арыю Ebben? Ne andro lontana з оперы «Вальлі» італьянскага кампазытара Альфрэда Каталяні, а таксама разам са сваім настаўнікам па праекце Давідам Бустамантэ засьпявала застольную песьню Альфрэда з опэры «Травіята» Джузэпэ Вэрдзі, піша antena3.com. За перамогу ў фінале змагаліся васьмёра фіналістаў.
Па выніках галасаваньня гледачоў пераможцай прызналі беларуску, якая цяпер жыве на Балеарскіх астравах у Гішпаніі. Яна нарадзілася ў Беларусі, вучылася ў Маладэчанскай музычнай вучэльні, затым перавялася ў вучэльню ў расейскай Астрахані, выйшла замуж і зьехала ў Баку. Там скончыла кансэрваторыю, працавала ў камэрным хоры мясцовай філярмоніі.
З прычыны канфлікту ў Нагорным Карабаху ў 1989-м Абановіч прыехала зь сям’ёй у Беларусь, працавала ў філярмоніі, хоры радыё і тэлевізіі. Пасьля сьмерці мужа ў 2004 годзе паехала ў Гішпанію і працавала вулічнай сьпявачкай, 15 гадоў выконвала опэрную клясыку на вуліцах Пальма-дэ-Маёркі.
