Лінкі ўнівэрсальнага доступу

Суд не задаволіў пазоў былога амбасадара Астапенкі да МЗС


Уладзімер Астапенка
Уладзімер Астапенка

Дыплямат абскарджваў фармулёўку, зь якой быў звольнены зь ведамства.

Працэс па гэтай справе пачаўся 23 сьнежня ў судзе Ленінскага раёну, справу разглядала судзьдзя Вольга Шодар. Прадстаўнікі МЗС на працэс не прыйшлі. Сам Уладзімер Астапенка, які зь сям’ёй цяпер знаходзіцца ў Варшаве, праз свайго адваката падаваў хадайніцтва аб удзеле ў працэсе праз канфэрэнц-сувязь. Аднак судзьдзя яго адхіліла на падставе «немагчымасьці тэхнічнай арганізацыі» гэтага.

Судзьдзя Вольга Шодар таксама адхіліла большасьць хадайніцтваў, пададзеных адвакатам дыплямата Сяргеем Зікрацкім. А 24 сьнежня вынесла рашэньне, згодна зь якім прэтэнзіі Ўладзімера Астапенкі да МЗС Беларусі прызнаныя неабгрунтаванымі.

Адвакат Сяргей Зікрацкі ў судзе па справе Астапенкі, 23 сьнежня
Адвакат Сяргей Зікрацкі ў судзе па справе Астапенкі, 23 сьнежня

Таксама 21 сьнежня стала вядома, што супраць самога Ўладзімера Астапенкі крымінальную справу завяла Генпракуратура. Яго абвінавачваюць у крадзяжы 2393 даляраў праз злоўжываньне службовым становішчам.

Сам дыплямат настойвае, што гэтыя грошы выкарыстаў на вяртаньне з Аргентыны разам зь сям’ёй і багажом. І нават зэканоміў сродкі амбасады, бо прыляцеў ня ў Менск, а ў Варшаву, што абышлося таньней. Аб працэсуальных дзеяньнях па гэтай справе пакуль нічога невядома.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG