Лінкі ўнівэрсальнага доступу

Віталь Шкляраў: «Лукашэнка разумны чалавек і круты мужык, мы зь ім у нечым аднаго поля ягады»


Віталь Шкляраў
Віталь Шкляраў

Пра гэта заявіў у эфіры «Эхо Москвы» беларуска-амэрыканскі паліттэхноляг Віталь Шкляраў, які ў пачатку лістапада быў вызвалены зь СІЗА КДБ Беларусі

Што сказаў Шкляраў на «Эхо Москвы».

Пра зьняволеньне

  • Гэта жахлівае, цяжкое месца, савецкі Гулаг. Разумееш, што можаш прасядзець шмат гадоў. Але перастаеш сабе хлусіць і робісься ўнутрана спакойным.
  • Мяне там не трымалі з палітычнымі. Меў вельмі мала інфармацыі пра тое, што адбываецца на волі. Толькі ад іншых вязьняў і ад свайго адваката Антона Гашынскага.
  • Я ў зьняволеньні перахварэў на ковід, і не адзін раз.
  • Праблема ў Беларусі не ў палітыцы, а ў звычайным жыцьці. Людзі за касяк наркотыкаў садзяцца на 10 гадоў, за дробны хабар у 200 даляраў трапляюць за краты на гады.
Віталь Шкляраў (крайні справа) падчас гутаркі з Аляксандрам Лукашэнкам у СІЗА КДБ, Менск, 10 кастрычніка 2020
Віталь Шкляраў (крайні справа) падчас гутаркі з Аляксандрам Лукашэнкам у СІЗА КДБ, Менск, 10 кастрычніка 2020

Пра сустрэчу з Лукашэнкам у СІЗА КДБ

  • Разбудзілі а 6-й раніцы, загадалі пагаліцца. Куды павязуць, я ня ведаў. Сказалі цёпла апрануцца, што будзем пэўны час на вуліцы.
  • Сустрэча з палітвязьнямі — гэта быў моцны ход з боку Лукашэнкі, я ўбачыў іншага Лукашэнку.
  • Дваістае ўражаньне: гэта быў чалавек, які мяне пасадзіў. Але і ўнікальная магчымасьць сустрэцца з «апошнім з магіканаў».
  • Калі б Навальны пагутарыў з Пуціным 5 гадзінаў, як я з Лукашэнкам, напэўна, гэта шмат на што ў Расеі паўплывала б.
  • Ён вельмі разумны чалавек і ўсё разумее, круты мужык, мы зь ім у нечым аднаго поля ягады.
  • Ён адчайдушны: склалася адчуваньне, што яму ўжо ўсё роўна.

Пра Мікалая Лукашэнку

  • Ён прысутнічаў на размове з намі ў СІЗА КДБ.
  • Прыгожы малады чалавек.
  • Было відаць, што Аляксандар Лукашэнка — любячы бацька.
  • Кантраст: апошні дыктатар — і такое трапяткое стаўленьне да позна народжанага сына.
  • У мяне таксама позна народжаны сын.

Аляксандар Лукашэнка і Майк Пампэо, Менск, 1 лютага 2020
Аляксандар Лукашэнка і Майк Пампэо, Менск, 1 лютага 2020

Пра сваё вызваленьне

  • Гэта было абяцана дзяржсакратару ЗША.
  • Мяне даставілі зь Беларусі ў Амэрыку на вайсковым самалёце.
  • Я праходзіў рэабілітацыю ў ЗША у шпіталі Джорджа Вашынгтона ў Вашынгтоне.
  • Цяпер прыляцеў у Кіеў, упершыню пасьля вызваленьня сустрэўся зь сям’ёй — з жонкай і сынам.

Вашынгтонцы сьвяткуюць перамогу Байдэна на выбарах, 7 лістапада 2020
Вашынгтонцы сьвяткуюць перамогу Байдэна на выбарах, 7 лістапада 2020

Пра выбары ў ЗША

  • Я прыляцеў у ЗША за два дні да выбараў.
  • Пасьля выбараў у Вашынгтоне быў такі ж настрой, як у Менску. Адбыўся своеасаблівы экспарт любові зь Менску ў Вашынгтон.
  • Некалі так будзе і ў Беларусі, як было пасьля выбараў у Вашынгтоне.

Пра пэрспэктыву вяртаньня ў Беларусь

  • Я не магу прыехаць у Беларусь. Крымінальная справа супраць мяне не закрытая.
  • У мяне ў Беларусі хворая маці.
  • Я хацеў бы вярнуцца ў Беларусь.
Палітвязьні падчас гутаркі з Аляксандрам Лукашэнкам у СІЗА КДБ, 10 кастрычніка 2020
Палітвязьні падчас гутаркі з Аляксандрам Лукашэнкам у СІЗА КДБ, 10 кастрычніка 2020

Пра пэрспэктыву дыялёгу ў Беларусі

  • Прэзыдэнт любіць Беларусь, як і ўсе мы.
  • Справа не ў дараваньні, а ў разуменьні.
  • Думаю, што палітвязьні выйдуць на волю.
  • Беларусь ужо ня будзе такой, якой была.

Падзякі

Падзякаваў "Эху Москвы", кіраўніку "Эха" Аляксею Венядзіктаву, парталу TUT.BY

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG