Лінкі ўнівэрсальнага доступу

У Нямеччыне з 16 сьнежня ўводзяць жорсткі локдаўн


Паліцыя на апусьцелых вуліцах Франкфурту, 12 сьнежня 2020 году

Нямеччына з 16 сьнежня ўзмоцніць локдаун, бо барацьба з другой хваляй каранавірусу пакуль не прыносіць жаданых вынікаў. Аб гэтым заявіла 13 сьнежня канцлерка Нямеччыны Ангела Мэркель.

Мэркель адзначыла, што ўрады земляў узгаднілі з фэдэральнымі ўладамі новыя карантынныя захады, якія ўключаюць закрыцьцё большасьці крамаў да канца калядных сьвятаў.

На працягу ўзгодненага пэрыяду, які пачнецца 16 сьнежня і будзе доўжыцца да 10 студзеня, школы таксама будуць зачыненыя. Працаваць будуць толькі асноўныя ўстановы: супэрмаркеты, аптэкі, банкі і заправачныя станцыі.

Нямеччына ўжо шэсьць тыдняў жыве ва ўмовах частковага локдаўну, у прыватнасьці там зачыненыя ўстановы грамадзкага харчаваньня.

Але колькасьць інфікаваных каранавірусам і зьвязаных зь ім сьмяротных выпадкаў у Нямеччыне, як і ў іншых эўрапейскіх краінах, расьце.

У сьвеце на 13 сьнежня выявілі больш за 71,7 мільёна інфікаваных каранавірусам, памерлі больш за 1,6 мільёна чалавек, ачунялі 47 мільёнаў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG