Сьведкі кажуць, што сьцяг зваліўся сам, ніхто яго не чапаў. А 10-й гадзіне раніцы сьцяг вярнулі на месца.
Афіцыйны чырвона-зялёны сьцяг на гэтай плошчы мае памеры 7 на 14 мэтраў, ён вісіць на 70-мэтровай стэле каля Палацу Незалежнасьці і лічыцца галоўным сьцягам у дзяржаве. Плошча Дзяржаўнага сьцяга пабудаваная па ініцыятыве Аляксандра Лукашэнкі.
Як паведаміў пазьней «Гаррамаўтадар» Менскага гарвыканкаму, іх спэцыялісты правяралі працу мэханічнага і электрычнага абсталяваньня флягштоку ў рамках тэхнічнага абслугоўваньня, якое праводзіцца ў адпаведнасьці з графікам работ.
