Лінкі ўнівэрсальнага доступу

Пампэо падтрымаў ідэю народнага галасаваньня ў Вэнэсуэле


Хуан Гуайдо, 5 сьнежня 2020

7-12 сьнежня Нацыянальны сход праводзіць у Вэнэсуэле так званае народнае галасаваньне.

Дзяржаўны сакратар ЗША Майк Пампэо заявіў у аўторак, што ЗША «працягваюць падтрымліваць часовага прэзыдэнта Хуана Гуайдо і народ Вэнэсуэлы ў іх барацьбе за аднаўленьне дэмакратыі ў краіне»

Пампэо падкрэсьліў, што 7-12 сьнежня ў вэнэсуэльцаў будзе магчымасьць выказаць сваё меркаваньне аб незаконным рэжыме Мадура дапамогай народнага галасаваньня — яно праводзіцца пад эгідай законнага Нацыянальнага сходу.

Паводле дзяржаўнага сакратара ЗША, дыктатура Мадура зьвяла выбарчы працэс у Вэнэсуэле да фарсу.

Народнае галасаваньне само па сабе не пакончыць з гуманітарным, палітычным і эканамічным крызісам. Яно ўяўляе сабой магчымасьць для вэнэсуэльцаў заявіць пра пакуты народу і даць імпульс для пасоўваньня краіны да свабодных і справядлівых выбараў, піша «Голас Амэрыкі».

  • 11 студзеня 2019 году Гуайдо заявіў, што канстытуцыя дазваляе яму выконваць паўнамоцтвы кіраўніка дзяржавы.
  • 23 студзеня Хуан Гуайдо на мітынгу абвясьціў сябе выканаўцам абавязкаў прэзыдэнта Вэнэсуэлы і прыняў прысягу. Празь некалькі гадзін ЗША прызналі яго кіраўніком дзяржавы. Усяго больш за 50 краін сьвету прызналі Хуана Гуайдо законным лідэрам Вэнэсуэлы.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG