Лінкі ўнівэрсальнага доступу

Памежны камітэт Беларусі патлумачыў прычыны чэргаў на пераходах і хто ў іх вінаваты


Чарга на мяжы зь Літвой

Дзяржаўны памежны камітэт Беларусі назваў адной з галоўных прычын чэргаў на мяжы краіны з Эўразьвязам невыкананьне суседнімі краінамі пагадненьняў пра афармленьне пэўнай колькасьці транспарту ў адзінку часу.

На 7 сьнежня выезду зь Беларусі ў краіны Эўразьвязу чакаюць больш за 1,5 тысячы фураў. Такія чэргі на мяжы з Латвіяй, Літвой і Польшчай, паводле тэлеграм-каналу Дзяржаўнага памежнага камітэту Беларусі, «не навіна, а заканамернасьць».

Паводле ведамства, прычыны наступныя:

  • падзеньне агульнай прапускной здольнасьці ў сувязі з закрыцьцём сумежнымі краінамі шэрагу пунктаў пропуску, таму прапарцыйна расьце нагрузка на іншыя пераходы;
  • у літоўскім кірунку выгадна ўвозіць паліва на тэрыторыю ЭЗ;
  • невыкананьне службамі сумежных краін пагадненьняў аб афармленьні пэўнай колькасьці транспарту за адзінку часу.

Дзяржаўны памежны камітэт паведамляе, што на 14:00 7 сьнежня каля 40% кіроўцаў скарысталіся паслугай электроннай рэзэрвацыі чаргі.

«Рэкамэндуем грузаперавозьнікам, што едуць транзытам празь Беларусь у краіны Эўразьвязу, улічваць актуальную сытуацыю, а пры плянаваньні паездкі укладаць маршрут праз найменш загружаны польскі кірунак», — гаворыцца ў паведамленьні беларускай памежнай службы.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG