Лінкі ўнівэрсальнага доступу

За студзень — лістапад золатавалютныя рэзэрвы скараціліся больш як на 2 млрд даляраў


Золатавалютныя рэзэрвы Беларусі скараціліся з пачатку году на 21,5% або на 2 млрд 17,3 млн даляраў, піша БелаПАН.

На 1 сьнежня яны склалі 7 млрд 376,3 млн даляраў у эквіваленце

За лістапад рэзэрвы зьнізіліся на $109,2 млн (1,5%) пасьля росту ў кастрычніку на $164,2 млн (2,2%), паведаміў Нацыянальны банк.

У лістападзе Беларусь аддала пазыкаў на $388 млн.

Сёлета рэзэрвы двойчы зьніжаліся больш як на мільярд даляраў за месяц — у сакавіку і жніўні.

Зьніжэньне рэзэрваў было абумоўленае ростам дэвальвацыйных чаканьняў, якія, на думку эканамістаў, у сакавіку былі выкліканыя пандэміяй, а ў жніўні — палітычным крызісам.

1 студзеня 2020 году золатавалютныя рэзэрвы складалі $9 млрд 393,5 млн.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG