Дарадца Сьвятланы Ціханоўскай Аляксандар Дабравольскі ў інтэрвію Tut.by расказаў, як ідзе напаўненьне «Адзінай кнігі рэгістрацыі злачынстваў», пра запуск якой абʼявілі 3 сьнежня.
«У кнізе ёсьць ужо зьвесткі пра тых, хто фальсыфікаваў выбары, — парадку 20 тысяч чалавек. Там і доказы іх злачынстваў, і фатаздымкі, яны цяпер правяраюцца.
У той жа час ужо некалькі соцень чалавек зьвярталіся да стваральнікаў кнігі, там неўзабаве пачнуцца праверкі атрыманых зьвестак, займацца гэтым будзе ByPol — каманда прафэсійных сьледчых, пракурораў, якія працуюць цяпер у Варшаве, і яны будуць выдаваць ужо правераныя матэрыялы», — сказаў Дабравольскі.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў