Лінкі ўнівэрсальнага доступу

Кіраўнік нямецкага МЗС: Эўразьвяз можа пашырыць санкцыі супраць рэжыму Лукашэнкі


Гайка Маас

Нямеччына працягне падтрымліваць беларускую апазыцыю, а Эўразьвяз пашырыць санкцыі супраць ключавых фігур рэжыму Лукашэнкі, калі ўлады ў Менску будуць далей ужываць гвалт у дачыненьні да пратэстоўцаў замест дыялёгу з апазыцыяй.

Пра гэта заявіў міністар замежных спраў Нямеччыны Гайка Маас, выступаючы 2 сьнежня з прывітальным словам на адкрыцьці 18-га Менскага форуму, паведамляе Deutsche Welle. Сёлета праз пандэмію форум, адна з найбольш аўтарытэтных і прадстаўнічых пляцовак для дыялёгу пра Беларусь, праходзіць у онлайн-рэжыме.

Паводле Мааса, крызіс апошніх месяцаў карэнным чынам зьмяніў Беларусь: старая сыстэма захісталася, новыя структуры растуць і ўмацоўваюцца. Нямецкі міністар паабяцаў таксама, што Бэрлін і Брусэль будуць падтрымліваць беларускую грамадзянскую супольнасьць ня толькі на словах, і згадаў у гэтым кантэксьце навучаньне для журналістаў, стыпэндыі для студэнтаў і дапамогу грамадзянскім актывістам.

У сваю чаргу, польскі міністар замежных спраў Зьбігнеў Раў, зьвяртаючыся да ўдзельнікаў форуму празь відэасувязь, адзначыў, што падтрымка беларускай грамадзянскай супольнасьці — гэта абавязак эўрапейцаў, але лёс краіны павінны вырашаць самі беларусы, у тым ліку тыя, хто вымушана апынуўся за мяжой. Аптымальным пераходам да дэмакратычнай дзяржавы польскі палітык назваў перамовы з удзелам апазыцыі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG