Лінкі ўнівэрсальнага доступу

У Беларусі за рысай беднасьці жывуць 3,4% насельніцтва


Пра гэта піша партал TUT.BY са спасылкай на дадзеныя Белстату паводле выбарачнага дасьледаваньня хатніх гаспадарак у трэцім квартале 2020 году.

У першым квартале доля малазабясьпечаных таксама складала 3,4%, у другім квартале — 3,6%.

Малазабясьпечанымі лічацца тыя, чые сярэднедушавыя наяўныя рэсурсы не дацягваюць да бюджэту пражытковага мінімуму (на гэты момант — 258,11 рубля).

Паводле апошніх зьвестак Белстату на 1 красавіка, колькасьць насельніцтва ў краіне складала 9 мільёнаў 397,8 тысячы чалавек. Гэта азначае, што за рысай беднасьці ў трэцім квартале было прыкладна 319,5 тысячы чалавек.

Найбольшая доля тых, хто жыве за мяжой беднасьці, — сярод сем’яў зь дзецьмі да 18 гадоў. Там малазабясьпечаных 7%. Сярод хатніх гаспадарак безь дзяцей доля тых, хто жыве за мяжой беднасьці, склала 1,5%, сярод хатніх гаспадарак з аднаго чалавека — 1,1%.

Сярод рэгіёнаў больш за ўсё малазабясьпечаных у Гомельскай вобласьці — 4,8% насельніцтва, а менш за ўсё — у Менску, 0,9%.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG