Лінкі ўнівэрсальнага доступу

Белы дом дапусьціў Байдэна да дакладаў выведкі


Абраны прэзыдэнт ЗША Джо Байдэн

Белы дом дазволіў абранаму прэзыдэнту ЗША Джо Байдэнам доступ да штодзённых сакрэтных справаздач выведкі, якія зьмяшчаюць інфармацыю аб асноўных пагрозах нацыянальнай бясьпецы па ўсім сьвеце.

Пра гэта ў аўторак паведаміў прадстаўнік адміністрацыі Дональда Трампа.

Гэта адбылося на наступны дзень пасьля таго, як 24 лістапада Упраўленьне службаў агульнага прызначэньня ЗША паведаміла аб пачатку працэдуры перадачы ўлады новай адміністрацыі. Байдэну, у прыватнасьці, ужо далі доступ да фінансаў.

Сам абраны прэзыдэнт пацьвердзіў журналістам, што яму прапанавалі брыфінгі аб выведцы, адзначыўшы, што пакуль ён у іх ня ўдзельнічаў. Кандыдатам у прэзыдэнты, якія лічацца пераможцамі, пасьля выбараў традыцыйна даецца доступ да гэтага дакумэнту, каб яны былі ў курсе самых сур’ёзных пагроз, адзначае Politico.

Дзяржсакратар ЗША Майкл Пампэо заявіў, што Дзярждэпартамэнт зробіць «усё неабходнае паводле закону» для перадачы паўнамоцтваў адміністрацыі Байдэна.

Пачатак працэсу перадачы ўлады камандзе Байдэна — першае фармальнае папярэдняе прызнаньне адміністрацыяй Дональда Трампа вынікаў прэзыдэнцкіх выбараў, якія прайшлі 3 лістапада.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG