Дзьмітры Мазура — ужо экс-студэнт БДУІР, сябра страйкаму. Ён адседзеў 38 сутак у ізалятарах на Акрэсьціна і ў Жодзіне. За гэты час скінуў 11 кіляграм, але не зламаўся.
«Свабода — гэта ня тое, што нам даецца. Свабода — гэта тое, чаго ў нас нельга забраць», — кажа Мазура.
Пасьля вызваленьня яму пагражалі крымінальнай справай, таму студэнт пераехаў жыць у Літву. У інтэрвію Свабодзе Дзьмітры Мазура расказвае пра настроі студэнтаў у БДУІР, пераезд празь мяжу на ровары і пра тое, чаму нельга маўчаць.
