Лінкі ўнівэрсальнага доступу

Тысячы людзей выйшлі на лякальныя «Маршы супраць фашызму». Што адбываецца ў Беларусі на 106-ы дзень пратэстаў

Пасьля брутальных разгонаў і шматлікіх затрыманьняў на папярэдніх нядзельных маршах пратэстоўцы вырашылі зьмяніць фармат. Паведамленьні пра гэта зьявіліся ў сацыяльных сетках. Анансавана, што ў сталіцы маршы пачнуць зьбірацца ў дварах і мікрараёнах.


Марш у адным з раёнаў Менску 22 лістапада
19:51 22.11.2020

Онлайн-трансьляцыя скончаная.

Падсумаваньне зь Менскага маршу можна пачытаць і паглядзець тут.

За ўсімі апошнімі навінамі сачыце ў Тэлеграме Свабоды!

18:50 22.11.2020

Як вам новы фармат пратэстаў «ад двароў»?

Паўдзельнічайце ў апытанцы на нашым тэлеграм-канале!

18:47 22.11.2020

З менскіх РУУСаў мінімум 4 чалавек забралі машыны хуткай дапамогі

Пра гэта паведамляе тэлеграм-канал валянтэраў @spiski_okrestina

18:45 22.11.2020
18:17 22.11.2020

Як выглядалі затрыманьні на Каменнай Горцы, дзе сілавікі ўжывалі спэцсродкі

18:07 22.11.2020

Параўноўваем колькасьць затрыманых сёньня і ў папярэднія нядзелі

Пакуль выглядае, што 22 лістапада пастаўлены антырэкорд у колькасьці затрыманых падчас нядзельных пратэстаў.

17:51 22.11.2020

Што здараецца, калі людзі не ўцякаюць ад сілавікоў

Глядзіце відэа з Паўднёвага Захаду.

17:45 22.11.2020

Маршы ў Менску перарасьлі ў «ланцугі салідарнасьці»

17:18 22.11.2020

Відэа з акцый у розных раёнах Менску

17:09 22.11.2020

Міліцыя пацьвердзіла прымяненьне спэцсродкаў

«Супрацоўнікі міліцыі неаднаразова папярэджвалі аб незаконнасьці ўдзелу ў несанкцыянаваных мерапрыемствах і нагадвалі аб захаваньні Правілаў дарожнага руху», — гаворыцца ў паведамленьні МУС.

Колькі чалавек сёньня затрымалі, у МУС пакуль не паведамляюць.

16:59 22.11.2020

Менск. Мэдыкі забралі аднаго з затрыманых без прытомнасьці

Аднаго з схопленых каля Нацыянальнай бібліятэкі вязуць без прытомнасьці ў шпіталь хуткай дапамогі.


16:51 22.11.2020

Пратэстоўцы адбілі чалавека ў сілавікоў у Менску

16:45 22.11.2020

Як праходзіў марш ва Ўруччы

16:35 22.11.2020

У Савецкім РУУС Менску затрыманых зноў ставяць да сьценкі

16:26 22.11.2020

У Берасьці зноў затрымалі 63-гадовую Алену Гнаўк — разам з сынам

Як піша «Бинокль», яе ўжо затрымлівалі, штрафавалі, зь нядаўняга часу яна падазраваная ў крымінальнай справе. Ейны «зварот хрысьціянкі» прызнавалі экстрэмісцкім.

Агулам праваабаронцам вядомыя імёны 112 затрыманых, зь якіх 100 у Менску

16:17 22.11.2020

У Менску аднавілі мабільны інтэрнэт і адкрылі ўсе станцыі мэтро

16:16 22.11.2020

Як людзі адбілі жанчыну ад сілавікоў у Менску

16:05 22.11.2020

Што цяпер адбываецца ў Беларусі

➖ Ад 12:00 у шматлікіх дварах розных гарадоў пачалі зьбірацца пратэстоўцы, якія злучаліся ў «раённыя» калёны — дзе па дзясятку чалавек, дзе па тысячы. Пратэстоўцы дагэтуль на вуліцах. Некаторыя групы грамадзян зноў і зноў зьбіраліся пасьля спробаў разгонаў.
➖ Сілавікі дзейнічаюць хаатычна і жорстка, робяць адзінкавыя затрыманьні, нападаюць пераважна гуртам. У зьбіваньні дэманстрантаў удзельнічалі людзі ў форме ДПС.
➖ Часьцей за ранейшыя акцыі сілавікі ўжываюць спэцсродкі супраць мірных пратэстоўцаў — збольшага «хлапушкі», слабейшыя за сьвятлашумавыя гранаты. Ды людзі не разьбягаюцца.
➖ Менскія ўлады перакрывалі ня толькі шматлікія станцыі мэтро, але і рух грамадзкага транспарту на праспэкце Незалежнасьці. Сілавікі хаатычна перакрывалі дарогі ў раёнах пратэстаў. Мабільны інтэрнэт адключалі на 4 гадзіны.
➖ Праваабаронцам цяпер вядомыя імёны сотні затрыманых — значна менш, чым на ранейшых нядзельных акцыях

15:58 22.11.2020

Як праходзіў марш у Масюкоўшчыне (Менск)

15:51 22.11.2020

У Менску затрымалі вакаліста гурта «Петля пристрастия»

У сьпісах затрыманых зьявілася імя Ільлі Чарапко-Самахвалава. Так завуць вакаліста гурту «Петля пристрастия». Яго жонка пацьвердзіла Свабодзе: сьпявак затрыманы

Загрузіць яшчэ

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG