Аляксандар Лукашэнка прызначыў новых амбасадараў у Армэнію, Азэрбайджан і Кітай. Гэтыя пасады зоймуць два былыя высокапастаўленыя сілавікі і кіраўнік Мытнага камітэту, паведамляе блізкі да прэс-службы Лукашэнкі тэлеграм-канал «Пул Первого».
Аляксандра Канюк прызначаны паслом Беларусі ў Армэніі, Андрэй Раўкоў узначаліць дыппрадстаўніцтва ў Азэрбайджане, Юры Сянько — у Кітаі,
Раней Аляксандар Канюк цягам дзевяці гадоў узначальваў Генэральную пракуратуру Беларусі. У верасьні яго зьмяніў Андрэй Швед. Лукашэнка тады сказаў, што Канюк — «чалавек надзейны», ведае шмат моў і мае «жаданьне папрацаваць у дыпляматычнай службе».
Андрэй Раўкоў раней займаў пасаду кіраўніка Савету бясьпекі (а дагэтуль шэсьць гадоў быў міністрам абароны), аднак нядоўга — крыху больш за паўгода. Пра яго звальненьне стала вядома ў верасьні. Ва ўказе Лукашэнкі гаварылася, што Раўкоў адхілены ад пасады «ў сувязі зь пераходам на іншую працу».
Юры Сянько апошнія шэсьць гадоў кіраваў Дзяржаўным мытным камітэтам Беларусі.