Лінкі ўнівэрсальнага доступу

Затрыманага на маршы пэнсіянэраў відэаапэратара БелаПАН Максіма Лаўрэцкага пасадзілі да суду ў ІЧУ


Марш пэнсіянэраў у Менску, 16 лістапада 2020

Затрыманага пасьля сёньняшняга маршу пэнсіянэраў у Менску відэаапэратара БелаПАН Максіма Лаўрэцкага адправілі ў ізалятар часовага ўтрыманьня на 1-м завулку Акрэсьціна, дзе ён будзе знаходзіцца да суду, паведаміў ягоны адвакат Андрэй Мачалаў. Дата суду пакуль невядомая.

Напярэдадні на акцыі памяці Рамана Бандарэнкі ў сталіцы затрымалі фатографа БелаПАН Андрэя Шаўлюгу і карэспандэнта Юлію Коцкую. Шаўлюгу даставілі ў ІЧУ, Коцкую адпусьцілі пасьля складаньня пратаколу па арт. 23.34 КаАП (удзел у несанкцыянаваным масавым мерапрыемстве). Сёньня вечарам суд Маскоўскага раёну сталіцы пачаў разгляд адміністрацыйнай справы Шаўлюгі. У сувязі з позьнім часам рашэньне ня вынесьлі, заўтра раніцай суд працягнецца.

У ІЧУ адправілі карэспандэнтку парталу Tut.by і газэты «Новы Час» Аляксандру Квіткевіч, якую таксама затрымалі пасьля маршу пэнсіянэраў. На яе склалі пратакол па арт. 23.34 КаАП. Суд прызначаны на заўтра, паведамляе Tut.by.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG