Да «плошчы Перамен» прыехалі сілавікі
Магілёў. Сілавікі не даюць людзям сабрацца перад касьцёлам
Сілавікі не даюць людзям сабрацца ля крыжа перад катэдральным касьцёлам.
Тут два дні таму быў створаны мэмарыял у памяць Рамана Бандарэнкі. Міліцыянт у рыштунку патрабуе разысьціся ад грамады ў два дзясяткі чалавек, пужаюць адказнасьцю за «ўдзел у несанкцыянаваным мерапрыемстве» і затрыманьнем. У двор ля касьцёла заехаў аўтазак, але пакуль нікога не хапаюць. Людзі патроху разыходзяцца, але да крыжа прыходзяць іншыя
Ужо больш за 100 затрыманых у Беларусі
Праваабаронцам цяпер вядомыя імёны 103 затрыманых сёньня на акцыях пратэсту, зь іх 84 у Менску
Менск. ДАІ перакрывае пад’езды да «плошчы Перамен»
«Плошча Перамен» цяпер. ДАІ перакрывае пад’езды да месца збору людзей.
Магілёў. Дзясяткі чалавек выйшлі на марш
Некалькі дзясяткаў чалавек арганізаваліся ў калёну і ідуць пешаходнай вуліцай Ленінскай, выгукваючы «Не забудем, не простим», «Трыбунал», «Я выходжу». Яе спрабуюць разагнаць, але людзі зноў зьбіраюцца. Да Ленінскай зьяжджаюцца аўтазакі.
Менск. АМАП у чорным разагнаў людзей ад мэмарыялу Тарайкоўкаму на скрыжаваньні Прытыцкага і Пушкіна
Затрымалі некалькі пратэстоўцаў, у тым ліку пажылога чалавека. Людзі яшчэ тут яшчэ застаюцца, крычаць «Забойцы!», «Фашысты!» Адзінкавыя затрыманьні працягваюцца.
Берасьце. Людзі скандуюць «Жыве Беларусь» на Савецкай вуліцы
Менск. Каля «Спартыўнай» зьбівалі і затрымлівалі людзей
Каля станцыі мэтро «Спартыўная» невядомыя ў балаклавах хапалі і білі людзей.
Людзі выйшлі на марш у Наваградку
У Наваградку таксама не абышлося без затрыманьняў, схапілі сама меней 6 чалавек.
Шмат людзей на вуліцы Чарвякова, каля «плошчы Пераменаў»
Менск. Сілавікі зачысьцілі праспэкт Пушкіна
У раёне станцыі мэтро «Пушкінская» сілавікі з вадамётам зачышчаюць вуліцу.
На «Пушкінскай» сілавікі напалі на непаўналетняе дзіця, паведамляе @nexta_tv
У Горадні працягваюцца затрыманьні
Горадня. Пасьля разгону людзі вярнуліся да мэмарыялу
Людзі пасьля разгону вяртаюцца да Фары Вітаўта, дзе зрабілі стыхійны мэмарыял. Некаторыя шпацыруюць у цэнтры гораду, па Савецкай вуліцы і побач
Па Горадні ходзяць узброеныя драбавікамі байцы без апазнавальных знакаў.
На «плошчы Перамен» ужо некалькі тысяч чалавек
Менск. Аскепкам гранаты параніла жанчыну
Аскепкам сьвятлашумавой гранаты на Пушкінскай параніла жанчыну, паведамляе Белсат. Аскепак патрапіў у нагу. Чакаюць хуткую дапамогу.
Людзі ідуць да «плошчы Перамен» з розных раёнаў
У адным з раёнаў Менску таксама ўтварылася калёна. Людзі ідуць на «плошчу Перамен».
Што адбываецца ў Гомлі
У цэнтры гораду сабраліся некалькі соцень чалавек, яны ідуць па горадзе і скандуюць «Лукашэнку ў аўтазак!», а адразу за імі ланцугом ідуць сілавікі.
Ля гомельскага касьцёла, у двары яго людзі зрабілі імправізаваны мэмарыял памяці Аляксандра Віхора і Рамана Бандарэнкі, людзі паклалі кветкі і запалілі зьнічы.
Затрыманьні ў Горадні
У Горадні пачаліся затрыманьні. Сілавікі ходзяць па цэнтры і разганяюць людзей. Невялікія групы то там, то тут скандуюць "Жыве Беларусь".
На «Пушкінскай» разганяюць людзей гранатамі
Супраць людзей прымянілі сьвятлашумавыя гранаты.
Дзьве машыны «хуткай дапамогі» паехалі ў кірунку мэтро «Кунцаўшчына».
Насупраць кінатэатру «Аўрора» ля мэтро «Пушкінская» сілавікі са шчытамі выскачылі на натоўп людзей, пачаўся хапун, людзі крычаць. Тут знаходзіцца каля 20 мікраўтобусаў зь сілавікамі
Выбухі на «Пушкінскай»
На «Пушкінскай» бачылі два выбухі. Падобна, сілавікі скарысталі сьвятлашумавую гранату.
Пратэстоўцы бягуць назад у кірунку «Каменнай Горкі», некаторыя падаюць.
Усё скрыжаваньне Прытыцкага і Пушкіна ў дыме. Яшчэ адзін выбух гранаты каля кінатэатру «Аўрора». Людзі адыходзяць, яны разгубленыя, ня ведаюць, куды далей ісьці.