Сёньня ля касьцёла ў Гомлі ўсклалі кветкі ў памяць пра Рамана Бандарэнку, што памёр учора пасьля затрыманьня ў «двары пераменаў» у Менску, і Аляксандра Віхора, які загінуў у Гомлі ў першыя дні пратэстаў, таксама пасьля таго, як сілавікі яго затрымалі і зьбілі.
Раней сёньня каля дваццаці жыхароў Гомля спрабавалі правесьці акцыю памяці Рамана Бандарэнкі. На месца збору прыйшлі міліцыянты. Яны папярэдзілі, што «мерапрыемства не санкцыянаванае». Тады людзі пайшлі гуляць групамі па вуліцы Савецкай.
