Лінкі ўнівэрсальнага доступу

Лукашэнка загадаў не пускаць у краіну тых «разумных» беларусаў, якія выехалі ў няпросты час


Аляксандар Лукашэнка
Аляксандар Лукашэнка

Аляксандр Лукашэнка заявіў, што аддаў распараджэньне камандуючаму пагранічнымі войскамі не пускаць у краіну ня толькі людзей з чужым пашпартам, але і тых «разумных» беларусаў, якія выехалі за межы краіны «ў гэты няпросты час», піша Tut,by.

Пра гэта ён заявіў 5 лістапада на нарадзе аб мерах, якія прымаюцца па процідзеяньні распаўсюджваньню вірусных інфэкцый.

«Я аддаў распараджэньне камандуючаму памежнымі войскамі не ўпускаць у краіну ня толькі людзей з чужым пашпартам, але і тых „разумных“ беларусаў, якія выехалі за межы нашай краіны ў гэты няпросты час. Заразу нам вазіць ня трэба, і ўсё роўна, зь якім пашпартам. Паехалі туды вучыцца — няхай вучацца, працаваць — хай працуюць. Мы ж не перашкаджалі гэтаму. Таму хай там працуюць і вылечваюцца», — сказаў Лукашэнка.

29 кастрычніка Беларусь закрыла межы з краінамі Эўразьвязу і Ўкраінай для асобных катэгорый фізычных асоб.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG