Лінкі ўнівэрсальнага доступу

У Польшчы закрываюць установы культуры. Але ўрад дапаможа артыстам


Ілюстрацыйнае фота
Ілюстрацыйнае фота

Новыя абмежаваньні прынятыя з прычыны рэзкага пашырэньня каранавіруснай інфэкцыі. Міністэрства аховы здароўя паведаміла сёньня пра 27 тысяч 143 новыя выпадкі заражэньня, паведамляе Польскае радыё.

Згодна з рашэньнем польскіх уладаў, установы культуры ў Польшчы будуць зачыненыя з 7 па 29 лістапада, каб стрымаць распаўсюд каранавірусу.

Міністэрства культуры і нацыянальнай спадчыны абвясьціла аб дадатковай падтрымцы гэтага сэктару. З суботы канцэртныя залі, опэры, апэрэты, тэатры, музэі, кінатэатры, грамадзкія цэнтры, бібліятэкі і мастацкія галерэі ня будуць працаваць. Гэта азначае, што там нельга арганізоўваць мерапрыемствы з удзелам гледачоў.

Аднак гэта не выключае правядзеньня — з улікам правілаў санітарнага рэжыму — падзеяў, зьвязаных з падрыхтоўкай да арганізацыі мастацкіх мерапрыемстваў, дыстанцыйнай працы або онлайн-выступаў. Інтэрнэт-імпрэзы таксама могуць быць арганізаваныя без удзелу грамадзкасьці.

На выплату кампэнсацый Міністэрства культуры выдзеліла 5,5 мільёна эўра.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG