Лінкі ўнівэрсальнага доступу

У Менску прайшоў чарговы марш людзей з інваліднасьцю. Падчас акцыі затрымалі некалькі чалавек. ФОТА


Людзі з інваліднасьцю 5 лістапада прайшлі ад Чырвонага касьцёла, што на плошчы Незалежнасьці, да Кастрычніцкай плошчы Менску.​

У 14:47 удзельнікі шэсьця рушылі па праспэкце Незалежнасьці. Многія трымалі ў руках плякаты, выгуквалі «Жыве Беларусь» і іншыя лёзунгі. Кіроўцы, якія ехалі па праспэкце, віталі ўдзельнікаў шэсьця сыгналамі.

За маршам назірала шмат людзей у цывільным. На праспэкце Незалежнасьці было некалькі мікрааўтобусаў сілавікоў і каля 6 машын ДАІ. Ля ГУМа паставілі аўтавышку і заблякавалі праход, людзей гэта вельмі абурыла. Ім давялося абыходзіць скрыжаваньне праспэкту Незалежнасьці з вуліцай Леніна — падземны пераход.

Каля 16-й гадзіны на маршы затрымалі дзьвюх дзяўчат, якія суправаджалі ўдзельнікаў, паведамляюць Tut.by і «Наша Ніва».

Раней амапаўцы затрымалі журналістку Насту Захарэвіч, якая стаяла ля праспэкту Незалежнасьці, дзе праходзіў марш. Таксама на маршы людзей з інваліднасьцю затрыманы Ільля Дабратвор, які працаваў там у якасьці журналіста. Цяпер яго тэлефон недаступны, паведамляе БАЖ.

Марш людзей з інваліднасьцю завяршыўся на Кастрычніцкай плошчы.

Сярод удзельнікаў маршу паэт Ян Грыб
Сярод удзельнікаў маршу паэт Ян Грыб

Абнаўляецца

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG