Лінкі ўнівэрсальнага доступу

Краіны Эўразьвязу дамовіліся пра новыя санкцыі, у тым ліку супраць Лукашэнкі


Прадстаўнікі ўсіх краінаў Эўразьвязу дамовіліся пра ўвядзеньне новых санкцыяў супраць уладаў Беларусі, у тым ліку супраць Аляксандра Лукашэнкі. Рашэньне мае быць апублікаванае ў пятніцу. Пра гэта паведамілі крыніцы Радыё Свабода ў Брусэлі.

У кастрычніку кіраўнік дыпляматыі ЭЗ Жузэп Бурэль заявіў, што сытуацыя ў Беларусі не паляпшаецца, працягваюцца беспрэцэдэнтныя рэпрэсіі супраць грамадзянаў, журналістаў і сябраў Каардынацыйнай рады, і таму Эўразьвяз рыхтуе новыя санкцыі супраць афіцыйных асобаў.

«Вы добра ведаеце, што Эўрапейскі Зьвяз не прызнаў фальсыфікаваныя вынікі прэзыдэнцкіх выбараў», — сказаў тады высокі прадстаўнік ЭЗ у замежных справах, зьвяртаючыся да эўрадэпутатаў на пленарнай сэсіі Эўрапейскага парлямэнту ў Брусэлі.

«Мы ясна заявілі, што Лукашэнка ня мае ніякай дэмакратычнай легітымнасьці. Мы не прызнаем яго як законнага прэзыдэнта Беларусі», — працягнуў тады Бурэль.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG