2 лістапада затрымалі кіраўніка выбарчага штабу Сяргея Чэрачня на мінулых прэзыдэнцкіх выбарах Мікалая Лысенкова.
«Сьледчы камітэт праводзіць ператрус у кватэры. Са Стоўпцаў забіраюць у Менск (на допыт)», — паведаміў Чэрачань на сваёй старонцы ў Фэйсбуку.
7 жніўня, за два дні да выбараў, Лысенку арыштавалі на 10 сутак за тое, што, быўшы арганізатарам перадвыбарчага сходу ў Стоўпцах, ненадоўга адлучыўся. Гэта стала падставай для абвінавачваньня яго ў парушэньні заканадаўства аб масавых мерапрыемствах (арт. 23.34 КаАП).
