Лінкі ўнівэрсальнага доступу

Міліцыя затрымала ў Менску журналіста БелаПАН, за што — невядома


Павал Дабравольскі

Журналіста інфармацыйнай кампаніі БелаПАН Паўла Дабравольскага затрымалі днём 30 кастрычніка ў Менску.

У 12.36 у рэдакцыю ад яго паступіла паведамленьне з тэкстам: «Міліцыя ў масках прыйшла». У гэты час ён знаходзіўся ня ў офісе. Пасьля гэтага мабільны тэлефон Паўла Дабравольскага стаў недаступны, на паведамленьні ў мэсэнджарах ён таксама не адказваў.

Афіцыйны прадстаўнік ГУУС Менскага гарвыканкаму Натальля Ганусевіч паведаміла БелаПАН, што Дабравольскага даставілі ў Фрунзэнскае РУУС Менску ў рамках адміністрацыйнага працэсу. У парушэньні якога канкрэтна артыкула КаАП абвінавачваюць Дабравольскага, пакуль не вядома.

Па словах Ганусевіч, да суду Дабравольскі будзе знаходзіцца ў месцах часовага ўтрыманьня.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG