26 кастрычніка на тэрыторыі прадпрыемства страйкавалі каля дзясятка супрацоўнікаў.
Пра сытуацыю на менскім «Інтэграле» Свабодзе расказала супрацоўніца прадпрыемства.
«Учора вышлі на тэрыторыі завода крыху больш за 10 чалавек, – гаворыць суразмоўца. – Ахова прадпрыемства ўсіх перапісала. Сёньня раніцай заблякавалі пропускі ў іх. Некаторыя атрымалі вымову. Ва ўнутраным чаце «Інтэгралу» зьявілася інфармацыя пра звальненьне дваіх чалавек. Сёньня страйку ў нас больш няма».
Пра пагрозы звальненьня ўдзельнікаў страйку 26 кастрычніка Свабодзе таксама расказалі супрацоўнікі МЗКТ. Там пакуль вядома пра звальненьне з працы аднаго рабочага.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў