Лінкі ўнівэрсальнага доступу

«Інвэнтарызацыя», «тэхнічныя прычыны», «забастоўка». Як прыватны бізнэс далучаецца да агульнанацыянальнага страйку


Ілюстрацыйнае фота. Горадня, кавярня «Трэцяе месца»
Ілюстрацыйнае фота. Горадня, кавярня «Трэцяе месца»

Сярод тых, хто не працуе 26 кастрычніка, — крамы, рамонтныя майстэрні, інтэрнэт-крамы, службы дастаўкі, кавярні, цырульні, прыватныя школы і моўныя курсы, турыстычныя кампаніі, індывідуальныя прадпрымальнікі ды іншыя.

  • Некаторыя крамы, піцэрыі паведамляюць, што не працуюць «з тэхнічных прычын», «праводзіцца інвэнтарызацыя», «рэвізія», «зьмена асартымэнту».
  • Не працуюць некаторыя сайты дастаўкі. Сайт dominos.by піша, што «праводзяцца тэхнічныя работы, прабачце за часовыя нязручнасьці».
  • «З тэхнічных прычын» немагчыма забраць заказы ў OZ.by
  • Некаторыя адкрытым тэкстам пішуць: не працуем у сувязі з рэспубліканскім страйкам (velosiped studio).
  • Гімназія-каледж пры Беларускай дзяржаўнай акадэміі музыкі абвясьціла выходны з прычыны «дэзынфэкцыі». Прыватная школа Stembridge пераносіць заняткі з 26 кастрычніка. Таксама пераносіць заняткі і моўная школа Streamline.

Піша рэпэтытар:

«З аднаго боку, я ня маю іншых крыніц даходу і, падтрымліваючы страйк, застаюся бяз грошай. З другога боку, мая праца — гэта даваць веды дзецям, і гэтым я наношу ўдар ім. Аднак 26 кастрычніка я ня буду працаваць, чаго і вам жадаю».

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG