Лінкі ўнівэрсальнага доступу

Лукашэнка забараніў плаціць дырэктарам прэмію, калі ёсьць даўгі перад Фондам сацыяльнай абароны


Аляксандар Лукашэнка сваім указам забараніў прэміраваньне кіраўнікоў арганізацый, калі ёсьць запазычанасьць перад Фондам сацыяльнай абароны насельніцтва, паведамляе БелТА.

Раней падобная забарона дзейнічала, калі ў арганізацыі была запазычанасьць па ўнясеньні плацяжоў у бюджэт.

Згодна з указам, меры адказнасьці будуць прымяняцца толькі да тых, хто адказвае за фінансавы стан арганізацыі і надзелены кіроўнымі паўнамоцтвамі, і ня будуць распаўсюджвацца на галоўных спэцыялістаў і іх намесьнікаў, якія выконваюць рашэньні кіраўніцтва. Да адказнасьці могуць прыцягнуць галоўнага бухгальтара і яго намесьнікаў, якія самастойна выплачваюць плацяжы ў бюджэт.

Пазбаўляць прэміі будуць зыходзячы з колькасьці дзён, на працягу якіх была запазычанасьць перад бюджэтам, і (або) пэрыядаў, калі дапусьцілі пратэрмінаваную запазычанасьць, а не па факце яе наяўнасьці і незалежна ад працягласьці пэрыяду, як было раней.

Забарона распаўсюджваецца таксама на бонусы і ўзнагароды.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG