Лінкі ўнівэрсальнага доступу

Украінцы выказаліся за зьмяншэньне парлямэнту і пажыцьцёвую турму для карупцыянэраў


Мясцовыя выбары ў Славянску, Украіна, 25 кастрычніка 2020
Мясцовыя выбары ў Славянску, Украіна, 25 кастрычніка 2020

Паводле зьвестак з экзыт-полаў, усе пяць пытаньняў, зададзеных у ходзе ўсеўкраінскага апытаньня грамадзкай думкі, якое прапанаваў прэзыдэнт Уладзімір Зяленскі, атрымалі станоўчыя адказы.

Апытаньне праводзілася падчас мясцовых выбараў ва Ўкраіне, якія прайшлі 25 кастрычніка.

Абсалютная большасьць грамадзян Украіны (95 адсоткаў) падтрымала прапанову аб скарачэньні колькасьці дэпутатаў Вярхоўнай Рады на траціну — з 450 да 300 чалавек.

За ўвядзеньне пажыцьцёвага зьняволеньня за карупцыю ў асабліва буйным памеры выказаўся 81 працэнт украінскіх выбарнікаў.

Права Ўкраіны выкарыстоўваць гарантыі бясьпекі, акрэсьленыя Будапэшцкім мэмарандумам, падтрымалі 78 адсоткаў апытаных, 10 адсоткаў выказаліся супраць.

Прапанова легалізаваць у краіне выкарыстаньне марыхуаны ў мэдычных мэтах — для памяншэньня болю ў цяжка хворых — падтрымалі 70 адсоткаў удзельнікаў апытаньня, 24% выступілі супраць.

Ідэю стварыць свабодную эканамічную зону на тэрыторыі Данецкай і Луганскай абласьцей падтрымалі 45% украінскіх грамадзян, прыкладна столькі ж (43%) не падтрымалі прапановы.

Раней офіс прэзыдэнта Ўкраіны растлумачыў, што апытаньне не зьяўляецца рэфэрэндумам і ня будзе мець прамых юрыдычных наступстваў.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG