Менск. «Інтэграл»
На «Гродна Азот» страйкуюць каля 150 чалавек
Да іх на новую прахадную прыехаў генэральны дырэктар Ігар Бабыр і галоўны інжынэр Сяргей Сілівонік, угаворваюць пачаць працу. Вядомыя прозьвішчы двух затрыманых з цэху азотнай кіслаты і кампрэсіі. Іншыя работнікі цэха застаюцца на заводзе, але не пачынаюць да працы. Начальнік просіць іх выйсьці за тэрыторыю прадпрыемства.
Берасьце. Міліцыя дзяжурыць каля завода Gefest
Паводле інфармацыі зь Берасьця, на прадпрыемствах гораду пакуль невядома пра актыўныя страйкі. Пра гэта Свабодзе паведаміў праваабаронца Раман Кісьляк. Мясцовы тэлеграм-канал «Берасьце: чуткі і факты» паведамляе пра зборышча міліцыі ля прахадной заводу «Брэстгазапарат» (гандлёвая марка Gefest) і ля канцавога прыпынку мясцовага аўтапарку, дзе зьбіраюцца на прыпынак гарадзкія аўтобусы.
Менск. МАЗ
Студэнты найбуйнейшых ВНУ выходзяць на акцыі пратэсту
На фота ад чытача — БДУІР. На вуліцы зьбіраюцца, напрыклад, студэнты БНТУ і БДАМ, на «сядзячы» пратэст у карпусах — БДТУ і БДУ.
Горадня. «Гродна-Азот»
«Гродна-Азот» цяпер. Рабочыя працягваюць стаяць перад прахадной.
Міністэрства прамысловасьці сьцьвярджае, што на буйных прадпрыемствах няма страйкаў
Беларускія прамысловыя прадпрыемствы працуюць у панядзелак з раніцы ў штатным рэжыме, заявіў «Інтэрфаксу» памочнік міністра прамысловасьці Часлаў Шульга.
«На гэты момант у нас няма інфармацыі, што прадпрыемствы страйкуюць», – сказаў Шульга. Ён заявіў, што ў міністэрстве таксама «няма інфармацыі, што групы рабочых зьбіраюцца на прадпрыемствах, каб страйкаваць.
Менск. БДУіР
У БДУІРы адбылася спрэчка дэкана са студэнтам:
— Гэты паважаны чалавек хоча сказаць, што ён нам улада…
— Так! Вы ня ўлада.
Пасьля гэтых слоў дэкана студэнты пачалі скандаваць: «Мы тут улада»
Менск. МТС
Супрацоўнікі МТС выйшлі на пратэст да галоўнага ўваходу свайго офісу.
Менск МДЛУ
Студэнты МДЛУ выйшлі на ганак унівэрсытэту і выгукаюць «„Азот“, мы з вамі!».
Раскажыце нам, ці вы бастуеце
26 кастрычніка — агульнанацыянальны страйк, абвешчаны Сьвятланай Ціханоўскай. Дасылайце нам фота і відэа, калі вы і ваша прадпрыемства (кампанія) вырашылі падтрымаць страйк — на Telegram @SvabodaBelarus.
Менск. Студэнты ўжо пайшлі калёнай па горадзе
Менск. МТЗ
Каля 50 рабочых прэсавага цэха МТЗ правялі марш па тэрыторыі прадпрыемства з заклікам да рабчых далучацца да забастоўкі. «Далучайся» — заклікалі рабочыя. Паводле актывістаў з МТЗ, агульны страйк на прадпрыемстве яшчэ не пачаўся. «Адміністрацыя ўсяляк супрацьдзейнічае, але настрой «у шмат каго з рабочых крытычны», — кажуць страйоўцы.
Праз гадзіну, у 11.30 каля заводаўпраўленьня мяркуецца правесьці сход рабочых, якія зьбіраюцца далучыцца да забастоўкі з патрабаваньнем адстаўкі Лукашэнкі.
Ужо 25 затрыманых у Беларусі
Праваабаронцам вядомыя імёны ўжо 24 затрыманых сёньня раніцай — у тым ліку ля «Гродна Азоту», дзе страйкуюць рабочыя.
Усе прадпрыемствы працуюць у штатным рэжыме, — прэс-сакратарка прэм’ера Галоўчанкі
Менск. МЭТЗ
Па словах рабочых, дзьве траціны работнікаў Электратэхнічнага заводу імя Казлова не працуюць. «Мы падтрымліваем нашага выбраную прэзыдэнтку Ціханоўскую ў яе патрабаваньні тэрміновай адстаўкі Лукашэнкі», — сказаў актывіст заводу Аляксандар.
Зь ягоных словаў, не працуюць рабочыя 16-га, 6-га і 9 цэхаў, таксама цалкам не працуе філял заводу ў Калядічах. Усяго цяпер страйкуюць больш за 300 чалавек. Паводле Аляксандра, адміністрацыя заводу на кантакт са страйкоўцамі не ідзе. «Ходзяць, думаюць, што рабіць, як спыніць страйк», — кажа ён пра адміністрацыю.
Другі працаўнік заводу расказаў пра шматлікія праверкі рабочых, якія кураць ў курылках. «У нас 2 вялікія курылкі, там рабочыя-страйкоўцы бавяць час. Дык шмат разоў ужо прыходзілі туды з праверкамі, правяралі пропускі. Але гэта ня дзейнічае, рабочыя ўсё роўна адмаўляюцца працаваць», — кажа рабочы.
Менск. ДАІ перакрыла праспэкт Незалежнасьці каля ЦУМа
Менск. Студэнты аб'ядноўваюцца ў марш
Дзьве калёны студэнтаў, БДПУ і БДУ, аб’ядналіся ў адну каля хімічнага факультэта БДУ. Студэнты скандуюць «Пока мы едины, мы непобедимы».
Тым часам ад БНТУ праспэктам ідзе другая калёна студэнтаў.
Менск. БДМУ
Студэнты-мэдыкі спрачаюцца з рэктарам...
... і сьпяваюць «Тры чарапахі»
Менск. Каля БНТУ разагналі студэнтаў