Менск. Пратэст студэнтаў каля МКАД
Студэнты сталі ў ланцуг салідарнасьці ад МКАД да інтэрнату на вуліцы Курчатава.
Менск. „Ланцуг салідарнасьці“ на плошчы Якуба Коласа
Менск. А1
Каля цэнтральнага офісу апэратара А1 таксама сабралася акцыя пратэсту. Кампанія падкрэсьлівае, што «не абмяжоўвае канстытуцыйных правоў сваіх супрацоўнікаў».
Менск. ПВТ
Вялікая акцыя пратэсту зьбіраецца ля Парку высокіх тэхналёгіяў у Менску.
Менск. ММЗ
Каля 50 рабочых Менскага маторнага заводу правялі на тэрыторыі прадпрыемства сход, на якім абмеркавалі ўдзел ў агульнанацыянальным страйку. Адкрыта заявіў пра далучэньне да страйку Андрусь Комлік, які працуе на заводзе тэрмістам. Іншыя рабочыя выказалі падтрымку патрабаваньням аб вызваленьні палітвязьняў і адстаўцы Лукашэнкі, але ад непасрэднага ўдзелу у страйку ўстрымаліся.
«Вырашылі дадаць да палітычных патрабаваньняў пытаньні паляпшэньня ўмоў працы, выходзіць з праўладнага прафсаюзу і ўступаць ў незалежны. Таксама вырашылі штодня ў працоўны перапынак сустракацца для абмеркаваньня сытуацыі. Пытаньне пра страйк з парадку дня не зьнятае, але адкладзенае. А я сыходжу ў страйк ужо сёньня», — паведаміў Андрусь Комлік.
Пратэсты студэнтаў маюць «адзінкавы характар», — Міністэрства адукацыі
«Увесь навучальны працэс ідзе ў штатным рэжыме», — паведаміла «Інтэрфаксу» 26 кастрычніка прэс-сакратарка Міністэрства адукацыі Людміла Высоцкая.
Горадня. Студэнты падтрымалі рабочых
У Горадзенскім дзяржаўным унівэрсытэце таксама бастуюць студэнты, у падтрымку рабочых яны скандуюць «Гродна Азот».
Менск. БДУ
Студэнты зьбіраюцца каля хімфаку і юрфаку. Прыйшлі і студэнты факультэту міжнародных адносін.
Менск. ММЗ
Рабочыя ММЗ зьбіраюцца на тэрыторыі заводу.
Менск. МДЛУ
Студэнты МДЛУ сталі ў счэпку, сьпяваюць «Воины света».
У Горадні пачалі выпускаць затрыманых азотаўцаў
Іх трымалі ў Кастрычніцкім РАУСе. Яны кажуць, што ранкам іх затрымалі каля ста чалавек. Большасьць выпускаюць без пратаколаў.
На заводзе два цэхі зьмены так і не прынялі, працягваюць працаваць людзі з начной зьмены і кіраўніцтва цэхаў.
Гендырэктар МТС пракамэнтаваў пікет супрацоўнікаў ля галоўнага офісу
Менск. Нацыянальны гістарычны архіў
Страйкуюць ня толькі заводы — вось, напрыклад, акцыя пратэсту Нацыянальнага гістарычнага архіву.
Менск. Пратэст студэнтаў
- Студэнты БДУ вырашылі ісьці да МГЛУ, скандуюць «Страйк!». Частка вырашыла застацца ля БДУ.
- Акцыя каля Журфаку БДУ працягваецца
- Палітэхнічны каледж пакуль ладзіць сядзячую акцыю і думае, што рабіць далей
Менск. Затрымалі школьнікаў?
Нібыта з 18-й гімназіі сілавікі вывелі чатырох школьнікаў.
Менск. Даішнікі выцягнулі кіроўцы з машыну пасярод праспэкту
Менск. МДЛУ
Каля МДЛУ студэнты падышлі да самой дарогі і гукаюць «Ганьба!».
Менск. Новыя затрыманьні студэнтаў
Пасьля разгону каля БНТУ студэнты зноў сталі зьбірацца на плошчы Якуба Коласа. Пачаліся затрыманьні.
Менск. «Атлант»
На «Атланце» на тэрыторыі заводу сабралося некалькі дзясяткаў работнікаў, якія абмяркоўваюць пытаньне аб далучэньні да агульнанацыянальнага страйку. Таксама людзі згадваюць пра выпадкі звальненьняў працаўнікоў, якія пратэставалі пасьля выбараў. Кажуць сама меней пра 7 чалавек, якія выходзілі на «ланцугі салідарнасьці» каля заводу, а цяпер ужо звольненыя. Гэта абурае працаўнікоў «Атланту», яны гавораць пра салідарнасьць.
Горадня. «Гродна Азот»
Вядома пра 13 чалавек, затрыманых ранкам на «Гродна Азот»: 12 супрацоўнікаў і 1 чалавек з групы падтрымкі бастуючых. Дваіх работнікаў цэху АКіКАС адпусьцілі і даставілі на завод.