Лінкі ўнівэрсальнага доступу

На адным з маршаў у Гомлі ўпаў міліцыянт. На маладога чалавека за «гвалт» распачалі крымінальную справу


Гомель, Марш справядлівасьці, 20 верасьня. Ілюстрацыйнае фота.

20 верасьня ў Гомлі праходзіў Марш справядлівасьці. На пляцоўцы каля цырку людзей сустрэў АМАП і пачаў разьбіваць калёну. Частка людзей прарвалася праз ачапленьне. У штурханіне адзін зь міліцыянтаў зваліўся на зямлю.

«Цяпер на майго сына распачалі крымінальную справу за гвалт у дачыненьні да супрацоўніка міліцыі. Нібыта ён „нанёс удар па задняй паверхні нагі“ міліцыянта. Затым нібыта міліцыянт паваліў Аляксея на зямлю, а той вырваўся і „нанёс два ўдары па галаве міліцыянту“. Насамрэч сын ня біў міліцыянта», — кажа маці затрыманага.

24-гадовы Аляксей цяпер у СІЗА. Яго абвінавачваюць па артыкуле 364 Крымінальнага кодэксу — гвалт у дачыненьні да супрацоўніка міліцыі. Аляксею пагражае да шасьці гадоў пазбаўленьня волі.

Ягоныя блізкія просяць адгукнуцца сьведак падзеяў ля цырку 20 верасьня.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG