25-гадовую Марфу Рабкову затрымалі 17 верасьня, калі яна з мужам Вадзімам вярталася дадому. Дзяўчына — каардынатарка валянтэрскай службы праваабарончага цэнтру «Вясна». Яе абвінавачваюць паводле ч. 3 арт. 293 КК (навучаньне ці іншая падрыхтоўка асобаў для ўдзелу ў масавых беспарадках, альбо фінансаваньне такой дзейнасьці). Яна сярод больш як сотні палітычных зьняволеных Беларусі.
Дома ў Марфы трое катоў, яна сама амаль дзесяць гадоў дапамагае аднаму з прыватных прытулкаў у Менску. Як расказаў муж Марфы Вадзім Жаромскі, у першым лісьце зь вязьніцы дзяўчына запытала, ці не пакрыўдзілі сілавікі яе гадаванцаў, калі ў кватэры праходзіў ператрус.
