У Менску прайшлі два шэсьці пэнсіянэраў — апазыцыйнае і праўладнае

Марш пэнсіянэраў у Менску завяршыўся

Марш пэнсіянэраў у Менску завяршыўся, але некаторыя людзі застаюцца на плошчы Якуба Коласа, п’юць гарбату, сьпяваюць песьні.

Удзельнікі праўладнага маршу вяртаюцца да сваіх аўтобусаў

Праўладны марш скончыўся на плошчы Перамогі. Удзельнікі ўсклалі кветкі да помніку Перамогі і пайшлі да аўтобусаў, на якіх іх прывезьлі на марш.

На Якуба Коласа ўдзельнікі «Маршу мудрасьці» прасьпявалі «Купалінку» і «Муры»

На завяршэньне ўдзельнікі маршу пэнсіянэраў на плошчы Якуба Коласа прасьпявалі «Купалінку» і «Муры».

Марш пэнсіянэраў у Берасьці

Валянтэры частуюць гарбатай і печывам удзельнікаў Маршу пэнсіянэраў

Галава Маршу пэнсіянэраў ужо на плошчы Якуба Коласа. Гэта мае быць канцавы пункт маршруту. Каля помніка Якубу Коласу сабралася каля тысячы чалавек. Маладыя дзяўчаты частуюць іх гарачай гарбатай і печывам. Удзельнікі выгукваюць: «Мы яшчэ прыйдзем». Іх вітаюць аўтамабільнымі гудкамі.

Удзельнікі праўладнага маршу засталіся на плошчы Перамогі, Марш пэнсіянэраў рушыў далей

Калёна праўладнага мітынгу засталася на плошчы Перамогі каля помніка. Марш пэнсіянэраў рушыць далей па праспэкце. Паміж удзельнікамі абодвух шэсьцяў абышлося без канфліктаў, хоць людзі ўступалі ў спрэчкі.

Менск: калёну праўладнага мітынгу ўзначальваюць два палкоўнікі ў форме

Калёны Маршу пэнсіянэраў і праўладнага мітынгу рухаюцца паралельна ў раёне плошчы Перамогі. Калёну праўладнага мітынгу ўзначальваюць два палкоўнікі ў форме.

У калёне ёсьць яшчэ людзі ў форме. Яны рухаюцца па праезнай частцы праспэкту. Большасьць удзельнікаў – сталыя мужчыны.

Удзельнікі Маршу пэнсіянэраў выгукваюць: «Колькі каштуе сумленьне?», «Пошел вон, ты и твой ОМОН», «Ганьба!».

У Горадні марш пэнсіянэраў скончыўся без затрыманьняў

Гарадзенцы старэйшага ўзросту прайшлі некалькі колаў па парку Жылібера да ўнівэрсытэту. Калі марш праходзіў побач з аблвыканкамам, з аўтобусу выйшлі міліцыянты, аднак нікога не забралі. Пэнсіянэры разышліся.

Менск: два маршы ідуць па праспэкце Незалежнасьці

Марш пэнсіянэраў у Менску наганяюць удзельнікі праўладнай акцыі — людзі з чырвона-зялёнымі сьцягамі часткова выйшлі на дарогу.

Менск. «Марш мудрасьці» набліжаецца да плошчы Перамогі

Праходзячы па мосьце празь Сьвіслач, удзельнікі Маршу пабачылі, што паралельна ідзе група з праўладнага мітынгу ўжо са згорнутымі сьцягамі. Удзельнікі Маршу сталі выгукваць: «Колькі каштуе сумленьне».

Машы праз 10 дзён будзе 18, «Не магла ня выйсьці да бабуль і не падзякаваць. Яны такія цудоўныя!».

Паэт Ян Грыб ішоў па бардзюры, але супрацоўнік ДАІ зрабіў яму заўвагу, каб стаў у калёну. «Ня трэба вылучацца».

Менск: удзельнікі праўладнага маршу ля Чырвонага касьцёла

Затрымалі пэнсіянэраў у Гомлі

Толькі што каля ГЦК затрымалі ўдзельнікаў маршу пэнсіянэраў — Віктара Ахрамчука, Галіну Клімовіч, Валянціну Сідарэнку. Хацелі затрымаць Тацяну Наскову. Мінакі яе адбілі. У жанчын перапісалі зьвесткі і адпусьцілі, а Віктара даставілі ў РАУС, паведаміла праваабаронца Алена Масьлюкова.

Марш пэнсіянэраў у Менску. Фота

Менск: пэнсіянэры крычалі вайскоўцам «Ганьба!»

Удзельнікі маршу пачалі крычаць вайскоўцам за брамай «Ганьба!», калі праходзілі побач зь імі.

Марш ужо дайшоў да Белдзяржцырку.

Некалькі тысяч на Маршы мудрасьці ў Менску. ВІДЭА

Марш пэнсіянэраў у Менску: відэа

У Горадні пэнсіянэры рушылі да ўнівэрсытэту імя Янкі Купалы

За імі сочаць міліцыянты ў цывільным. Побач зь іхным маршрутам каля аблвыканкаму стаіць міліцэйскі аўтобус, каля кінатэатру «Чырвоная зорка» — міліцэйская машына.

У Гомлі на Марш пэнсіянэраў прыйшлі толькі міліцыянты

У Гомлі не адбыўся анансаваны Марш пэнсіянэраў. А 14 гадзіне на пункце збору — ля ўнівермагу «Гомель» з усіх бакоў стаялі ня менш за восем міліцыянтаў, сіні мікрааўтобус з супрацоўнікамі АМАП і міліцэйскі «УАЗ». Каля ўнівэрмагу стаялі пяць пэнсіянэрак, але, імаверна, яны вырашылі ня ўдзельнічаць у акцыі. У мінулы панядзелак на Марш сабраліся каля 30 чалавек, 6 былі затрыманыя міліцыяй. На іх склалі пратаколы.

Марш пэнсіянэраў ужо на Кастрычніцкай плошчы Менску

Галава калёны спыняецца час ад часу, каб пачакаць усіх удзельнікаў.