Лінкі ўнівэрсальнага доступу

ВУП Беларусі ў студзені-верасьні скараціўся на 1,3%


Прагноз росту ВУП Беларусі

ВУП Беларусі за першыя тры кварталы 2020 году склаў у бягучых цэнах Br106,6 млрд, што ў супастаўных цэнах на 1,3% менш, чым у студзені-верасьні 2019 году.

Пра гэта паведамляе Інтэрфакс са спасылкай на Белстат.

Па выніках першага кварталу бягучага году адзначалася зьніжэньне ВУП на 0,3%, першага паўгодзьдзя — на 1,7%.

Урад Беларусі ў кастрычніку паведамляў, што чакае выхаду з адмоўнай дынамікі ВУП і нулявога прыросту па выніках году.

Міжнародныя фінансавыя інстытуты прагназуюць падзеньне ВУП Беларусі ў 2020 годзе на 3–4% на фоне нэгатыўнага ўплыву глябальнай пандэміі каранавірусу.

У папярэднія гады ў Беларусі назіраўся рост эканомікі: у 2017 годзе ВУП павялічыўся на 2,4%, у 2018 годзе — на 3%, летась — на 1,2%.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG