Жыхарку Гомля Алену Зямлянскую пратрымалі тры дні ў ізалятары часовага ўтрыманьня і пакаралі штрафам у 270 рублёў.
Яе затрымалі за «ланцуг салідарнасьці», які адбыўся вечарам 11 кастрычніка на вуліцы Мазурава ў Гомлі.
Жанчына — удава. У яе двое непаўналетніх дзяцей 13 і 17 гадоў.
Судзьдзя Віктар Казачок на паседжаньні папікнуў жыхарку Гомля: «Што ж вы пра дзяцей ня думаеце? Ставіце ў небясьпеку і сябе, і іншых?».
Таксама ён цікавіўся, за якія сродкі жыве сям’я, калі маці часова не працуе. У выніку Алена Зямлянская пакарана штрафам.
