У Віцебску 14 кастрычніка затрымалі Тацяну Севярынец — вядомую грамадзкую актывістку, маці апазыцыйнага палітыка Паўла Севярынца, які ўжо чатыры месяцы знаходзіцца ў зьняволеньні і прызнаны вязьнем сумленьня.
«Тацяна патэлефанавала мне і расказала, што яе затрымалі каля пад’езда нашага дому, — паведаміў БелаПАН муж затрыманай Канстанцін Севярынец. — Тацяну адвезьлі ў Першамайскі РАУС. Паводле яе словаў, затрыманьне зьвязанае з тым, што яна ўдзельнічала ў маршы пэнсіянэраў 12 кастрычніка».
Пратрымаўшы некалькі гадзін у Першамайскім РУУС у Віцебску, Тацяну Севярынец, маці трох дзяцей і бабулю сямі ўнукаў, адвезьлі да суду ў ізалятар часовага ўтрыманьня.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў