Лінкі ўнівэрсальнага доступу

За два апошнія месяцы беларусы забралі з банкаў больш за 1 мільярд даляраў 


Беларусы працягваюць забіраць рублі і валюту з укладаў. Пра гэта сьведчаць дадзеныя Нацыянальнага банку аб грашовай масе на 1 кастрычніка.

Асабліва актыўна кліенты банкаў здымаюць валюту, спасылаецца на дакумэнт Tut.by. За два апошнія месяцы з валютных укладаў і рахункаў трымальнікі зьнялі больш за 1 мільярд даляраў.

Паводле Нацбанку, аб’ём рублёвых дэпазытаў на 1 кастрычніка склаў 4 мільярды 576 мільёнаў рублёў. У параўнанні з папярэднім месяцам сума зьменшылася на 77 мільёнаў рублёў, ад пачатку году — на 555 мільёнаў. У жніўні аб’ём рублёвых дэпазытаў скараціўся набольш адчувальна — на 270 мільёнаў рублёў.

Аб’ём валютных дэпазытаў на 1 кастрычніка склаў 4 мільярды 843 мільёны даляраў. У параўнаньні з папярэднім месяцам валютныя ўклады скараціліся на 303 мільёны даляраў, ад пачатку году — на 1 мільярд 372 мільёны. Самы буйны адток таксама жнівеньскі — 416 мільёна даляраў. Так, у студзені гэтая лічба склала ўсяго 17,5 мільёна.

Акрамя ўкладаў, пачалі здымаць грошы і з валютных рахункаў. Аб’ём пераводных дэпазытаў (рэшта на разьліковых, бягучых і іншых рахунках да запатрабаваньня) на 1 кастрычніка склаў 1 мільярд 164 мільёны даляраў. За верасень гэтая сума зьменшылася на 166 мільёнаў даляраў, за жнівень — на 208 мільёнаў.

Такім чынам, у агульнай суме за жнівень і верасень беларусы забралі з валютных укладаў і рахункаў 1 мільярд 93 мільёны даляраў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG