Лінкі ўнівэрсальнага доступу

Крызісу няма. Сьледчы камітэт абвясьціў тэндэр на амаль 200 новых аўтамабіляў


Аўтамабіль Сьледчага камітэту, архіўнае фота

Партал дзяржаўных закупаў апублікаваў плян цэнтральнага апарату Сьледчага камітэту купіць тавары для ведамства.​

Сярод некалькіх дзясяткаў найменьняў тавараў і паслугаў фігуруе і аўтатранспарт. Сьледчы камітэт зьбіраецца абнавіць амаль дзьве сотні адзінак. Прычым абавязковае патрабаваньне тэндэру — легкавікі мусяць быць новыя, год выпуску не пазьнейшы за 2020.

Да 143 легкавых аўтамабіляў з гэтай колькасьці выстаўляюць патрабаваньне да аб’ёму рухавіка — ня болей за 1500 см³. Яшчэ 50 + 5 машын — канкрэтныя мадэлі, якія вырабляе завод кітайскай кампаніі «Джылі» пад Барысавам.

На гэтыя мэты ды іншыя закупы для Сьледчага камітэту зь дзяржаўнага бюджэту заплянавана выдаткаваць амаль 4 мільёны даляраў у эквіваленце (10 мільёнаў 220 тысяч рублёў).

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG