У цэнтры Горадні ўдзень 10 кастрычніка жанчыны гулялі з кветкамі. Так яны паказалі сваю нязгоду з палітычнымі рэпрэсіямі.
Гарадзенкі апраналіся ў чырвоным і белым колерах, трымалі зрэзаныя кветкі, хатнія расьліны ў гаршках, букеты з восеньскага лісьця. Яны хадзілі не калёнай, а паасобку або невялікімі групамі. Падчас дэмаршу затрыманьняў не было відаць.
Падобныя жаночыя акцыі анансавалі ў гэты дзень у многіх краінах сьвету ў знак салідарнасьці зь Беларусьсю.
Гэтая публікацыя падрыхтаваная з выкарыстаньнем інфармацыі БелаПАН.
