Лінкі ўнівэрсальнага доступу

Аднаго з удзельнікаў звароту работнікаў МТЗ затрымалі проста на працы


Ілюстрацыйнае фота. Падчас страйку на МТЗ, 18 жніўня

Як стала вядома «Новаму Часу», 8 кастрычніка на тэрыторыі Менскага трактарнага заводу быў затрыманы 23-гадовы фрэзэроўшчык Міраслаў Сабчук — у ліку іншых хлопец удзельнічаў у стварэньні звароту работнікаў МТЗ, у якім завадчане асудзілі гвалт і патрабавалі новых сумленных выбараў.

Паводле калегаў, Міраслава Сабчука выклікалі да кіраўніцтва. Потым прыйшоў майстар, які забраў тэлефон Міраслава, а пасьля стала вядома, што хлопца павезьлі.

Раней хлопец удзельнічаў у запісе звароту работнікаў МТЗ супраць гвалту і за новыя выбары. На відэа Міраслаў прамаўляе другім. Пакуль невядома, ці зьвязана затрыманьне хлопца з гэтым відэа.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG