Прэзыдэнта ЗША Дональда Трампа шпіталізавалі ў Нацыянальны вайскова-мэдычны цэнтар у Вашынгтоне.
У яго слаба выражаныя сымптомы, і ён цягам дня працаваў у Белым доме. Аднак «у мэтах перасьцярогі» прэзыдэнт ЗША ў наступныя некалькі дзён будзе працаваць у прэзыдэнцкіх памяшканьнях цэнтру імя Ўолтэра Рыда».
Перад адлётам зь Белага дома Трамп запісаў кароткі відэазварот, у якім сказаў, што пачуваецца добра, і падзякаваў амэрыканцам за падтрымку.
Тым часам Рада нацыянальнай бясьпекі ЗША загадала ўсім насіць маскі на тэрыторыі Белага дому, паведаміў «Голас Амэрыкі».
