Пра гэта гаворыцца ў прынятай 1 кастрычніка заяве Рады Саюзу беларускіх пісьменьнікаў (СБП):
«Рада Саюзу беларускіх пісьменьнікаў зьвяртаецца да кіраўнікоў дзяржаў-суседак Беларусі — Латвіі, Літвы, Польшчы, Расеі, Украіны — ня быць староньнімі назіральнікамі за тым, што адбываецца ў нашай краіне, а зрабіць захады дзеля прымусу беларускіх уладаў да дыялёгу зь беларускім народам і ягоным прадстаўніком — Прэзыдыюмам Каардынацыйнай рады».
У заяве Рада СБП пацьвердзіла свае ранейшыя патрабаваньні правядзеньня новых выбараў прэзыдэнта краіны, вызваленьня ўсіх палітзьняволеных і спыненьня гвалту сілавых структураў над сваім народам.
